എന്താ ശരിയല്ലേ? വോട്ടു ചെയ്യുക എന്നതല്ലാതെ എന്ത് അധികാരമാണ് ഇന്ന് നമുക്കുള്ളത്? അഞ്ചു കൊല്ലം കൂടുമ്പോള്‍ മാറി മാറി പരീക്ഷിക്കാം എന്നതല്ലാതെ എന്ത് ചെയ്യാന്‍ സാധിക്കും നമ്മള്‍ക്ക്? വിവരാവകാശ നിയമമുപയോഗിച്ചു അഴിമതികള്‍ പുറത്തു കൊണ്ട് വരാന്‍ കഴിഞ്ഞു. എന്നിട്ടെന്തു സംഭവിച്ചു? സ്വതന്ത്രമായ ഒരു അന്വേഷണ ഏജെന്സി ഇല്ലാത്തത് മൂലം തെളിയിക്കാന്‍ കഴിയാതെ കേസുകള്‍ കെട്ടിക്കിടക്കുന്നു. പോലീസിനെയും സി.ബി.ഐ യെയും സര്‍ക്കാര്‍ കൈയ്യിലെ പാവയായി ഉപയോഗിക്കുന്നു. യഥാര്‍ത്ഥ ജനാധിപത്യ രാഷ്ട്രമായി പൊതു ജനങ്ങള്‍ക്ക്‌ ഭരണത്തില്‍ ഇടപെടാനാവും വിധം നമ്മുടെ രാജ്യത്തെ മാറ്റണ്ടേ? സമൂല മാറ്റത്തിനായിട്ടാണ് ആം ആദ്മി പാര്‍ട്ടി രൂപം കൊണ്ടത്‌. അധികാരം ജനങ്ങളുടെ കൈയ്യില്‍ എത്തിക്കുക എന്നതാണ് പ്രഥമ ദൌത്യം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ